તલાક ના પછી આ અભિનેત્રીએ કરી હતી ફિલ્મો માં એન્ટ્રી, વર્ષો પછી કર્યો બાળકનો ખુલાસો

બોલિવૂડ એક્ટ્રેસ માહી ગિલ ફિલ્મ ઈન્ડસ્ટ્રીમાં પોતાનું સ્થાન બનાવવામાં સફળ રહી છે. તેની ફિલ્મી કારકીર્દિમાં, તેમણે એકથી વધુ પાત્રો ભજવ્યાં છે. તેની બોલિવૂડની સફર ફિલ્મ ‘દેવ ડી’ થી શરૂ થઈ હતી. જોકે માહીને જોઈને તેની ઉંમરનો અંદાજ લગાવવો મુશ્કેલ છે પરંતુ આ વખતે તે તેનો 45 મો જન્મદિવસ મનાવી રહી છે.

માહી ગિલનો જન્મ 19 ડિસેમ્બર 1975 ના રોજ ચંદીગઢમાં થયો હતો. બહુ ઓછા લોકો જાણે છે કે માહીનું અસલી નામ રિમ્પી કૌર ગિલ છે. તેણે પોતાની ફિલ્મી કરિયરની શરૂઆત પંજાબી ફિલ્મોથી કરી હતી. તે તેની પ્રતિભાને કારણે બોલીવુડમાં આવી હતી અને પ્રથમ ફિલ્મનો ફિલ્મફેર એવોર્ડ જીત્યો હતો.

એવું કહેવામાં આવે છે કે માહી ગિલને અનુરાગ કશ્યપે પહેલી વાર એક પાર્ટીમાં જોઈ હતી, ત્યારબાદ તેણે માહીને તેની ફિલ્મ ‘દેવ ડી’ માટે કાસ્ટ કરી હતી. માહીએ હિન્દી અને પંજાબી ફિલ્મો ઉપરાંત તેલુગુ ફિલ્મોમાં પણ કામ કર્યું હતું. તુફાન માહીની પહેલી તેલુગુ ફિલ્મ હતી. તે બોલિવૂડની સુપરહિટ ફિલ્મ ‘જંજીર’ ની રીમેક હતી. આ ફિલ્મમાં માહી ગિલે મોના ડોર્લિંગની ભૂમિકા ભજવી હતી.

ફિલ્મોમાં આવતા પહેલા માહી ગિલના લગ્ન થયા હતા. મીડિયા રિપોર્ટ્સ અનુસાર, 1992 માં તેણે પંજાબના ઉદ્યોગપતિના પુત્ર સાથે લગ્ન કર્યા હતા. જો કે, આ સંબંધ લાંબો સમય ચાલ્યો નહીં અને બંને છૂટા પડ્યા. એક મુલાકાતમાં માહીએ કબૂલ્યું હતું કે તેના પહેલા લગ્ન સમયે તે મેચ્યોર નહોતી.

માહી ગિલને એક પુત્રી પણ હતી અને તેણે એક ઇન્ટરવ્યુમાં આ વાતનો ખુલાસો પણ કર્યો હતો. અગાઉ આ અંગે કોઈએ સાંભળ્યું ન હતું. માહીએ પુત્રી વિશે કહ્યું હતું કે આ અંગે કોઈએ તેમને ક્યારેય પૂછ્યું ન હતું. જોકે, એવા અહેવાલો પણ મળી રહ્યા છે કે માહી તેના બોયફ્રેન્ડ સાથે લિવ-ઇનમાં રહે છે અને નજીકના ભવિષ્યમાં લગ્ન પણ કરી શકે છે.