કાર્તિક આર્યનના પહેલા આ એક્ટર્સને મળી ડાયરેક્ટર તરફથી મોંઘી ભેટ, જુઓ આ લિસ્ટ

બોલિવૂડ ઈન્ડસ્ટ્રીમાં ઘણી દિલધડક હસ્તીઓ છે જેઓ ખુલ્લેઆમ ગિફ્ટ આપતા રહે છે. તાજેતરમાં જ ફિલ્મ નિર્માતા અને ટી-સિરીઝના માલિક ભૂષણ કુમારે અભિનેતા કાર્તિક આર્યનને રૂ. 3.73 કરોડની મેકલેરેન જીટી કાર ભેટમાં આપી છે. વાસ્તવમાં ભૂષણ કુમારે ફિલ્મ ‘ભૂલ ભૂલૈયા 2’ની સફળતાથી ખુશ કાર્તિક આર્યનને કાર ગિફ્ટ કરી છે. આવો જાણીએ આ પહેલા કઈ ફિલ્મ નિર્માતાઓએ કલાકારોને ગિફ્ટ આપી છે.

રમેશ સિપ્પી-અમિતાભ બચ્ચન

અમિતાભ બચ્ચન ફિલ્મ ઈન્ડસ્ટ્રીના મેગાસ્ટાર છે અને તેમણે પોતાના કરિયરમાં ઘણી હિટ ફિલ્મો આપી છે. અમિતાભ બચ્ચનની ફિલ્મ ‘સત્તે પે સત્તા’ની સફળતા પછી, નિર્દેશક રમેશ સિપ્પીએ તેમને મહેનતાણું તરીકે બંગલો જલસા ભેટમાં આપ્યો હતો.

વિધુ વિનોદ ચોપડા-અમિતાભ બચ્ચન

અમિતાભ બચ્ચન ના ફિલ્મમેકર વિધુ વિનોદ ચોપડા ની ફિલ્મ ‘એકલવ્ય’ માં કામ કર્યું હતું. અમિતાભ બચ્ચનના કામ થી પ્રભાવિત થઇને વિધુ વિનોદ ચોપડાએ તેમને રોલ્સ રોય્સ ફેન્ટમ કાર ગિફ્ટ કરી હતી.

સાજિદ નડિયાદવાલા-સલમાન ખાન

સાજિદ નડિયાદવાલાએ સલમાન ખાનની ફિલ્મ કિકથી ડિરેક્ટર તરીકે ડેબ્યૂ કર્યું હતું. આ ફિલ્મે બોક્સ ઓફિસ પર જબરદસ્ત બિઝનેસ કર્યો હતો. આનાથી ખુશ થઈને સાજિદ નડિયાદવાલાએ સલમાન ખાનને રોલ્સ રોયસ કાર આપી.

વિપુલ શાહ-અક્ષય કુમાર

દિગ્દર્શક વિપુલ શાહે તેમની ફિલ્મ ‘એક્શન રિપ્લે’ના અભિનેતા અક્ષય કુમારને 18 લાખ રૂપિયાની ઘડિયાળ ભેટમાં આપી હતી. આ ફિલ્મના પ્રમોશન દરમિયાન અક્ષય કુમાર 1975ની જૂની ક્લાસિક ઘડિયાળ પહેરેલો જોવા મળ્યો હતો.

રોહિત શેટ્ટી-રણવીર સિંહ

બોલિવૂડના લોકપ્રિય નિર્દેશક રોહિત શેટ્ટી તેની એક્શન ફિલ્મો માટે જાણીતા છે. રોહિત શેટ્ટીએ ફિલ્મ ‘સિમ્બા’ના શૂટિંગ દરમિયાન રણવીર સિંહને તેના જન્મદિવસ પર એક લક્ઝરી ઘડિયાળ ભેટમાં આપી હતી.

રોહિત શેટ્ટી-અજય દેવગન

નિર્દેશક રોહિત શેટ્ટી અને અભિનેતા અજય દેવગને ઘણી ફિલ્મોમાં સાથે કામ કર્યું છે. બંને વચ્ચે સારી મિત્રતા છે. અજય દેવગનના જન્મદિવસ પર રોહિત શેટ્ટીએ તેને પર્સનલાઇઝ્ડ સ્પોર્ટ્સ કાર ગિફ્ટ કરી હતી. ત્યારબાદ બંને ‘ઓલ ધ બેસ્ટ’નું શૂટિંગ કરી રહ્યા હતા.